Ali
von riemsche

 

_____

mei freind is marokkana
a ganz a bsundra - ana
dea si in di botanik pflanzt
noggad im pulvaschnee abtanzt
a mürbkeks in datschiling tunkt
werenda aussi muassi funkt

san miazwa zamm hobi des gfü
es tuat zwoa jeda wosawü
aba auf sou a liabe oat
dasma mitnand ins blaue foat
vom nebltiaf den berg nauf traut
voduat auf mordor runta schaut

wos inda sunn zamd seitnstich
guat umakumt - das liebe ich

_____

Autorenplattform seit 13.04.2001. Zur Zeit haben 687 Autoren 5306 Beiträge veröffentlicht!